नेत्र रोग विभाग (Ophthalmology Department)
मदन भण्डारी अस्पताल तथा ट्रमा सेन्टरको नेत्र रोग विभागले आँखाको दृष्टि परीक्षण, विभिन्न रोगको निदान तथा आधुनिक प्रविधिमार्फत गुणस्तरीय, सुलभ र प्रभावकारी नेत्र स्वास्थ्य सेवा प्रदान गर्दै आएको छ।
उपलब्ध नेत्र स्वास्थ्य सेवाहरू (Key Eye Care Services)
👓 दृष्टि परीक्षण (Refraction & Vision Check)
आँखाको दृष्टि जाँच, टाढा वा नजिक नदेख्ने समस्या (Power Check) र उपयुक्त चश्माको सिफारिस।
🔍 सामान्य नेत्र परामर्श (General Eye Consultation)
आँखा दुख्ने, रातो हुने, चिलाउने, पानी बग्ने तथा सङ्क्रमण जस्ता सामान्य समस्याहरूको परीक्षण र उपचार।
👁️ मोतियाबिन्दु जाँच (Cataract Screening)
उमेरका कारण वा अन्य कारणले आँखा धमिलो हुने (मोतियाबिन्दु) समस्याको प्रारम्भिक जाँच तथा परामर्श।
🩺 जलबिन्दु जाँच (Glaucoma Screening)
आँखाको प्रेसर (Intraocular Pressure) जाँच गरी जलबिन्दुको जोखिम पत्ता लगाउने र रोकथामका उपायहरू।
🧪 डायबेटिक रेटिनोप्याथी screening(Diabetic retinopathy)
मधुमेह (कडा चिनीरोग) भएका बिरामीहरूका लागि आँखाको भित्री पर्दा (Retina) को नियमित परीक्षण।
👶 बाल नेत्र सेवा (Pediatric Eye Care)
बालबालिकामा देखिने अल्छी आँखा (Lazy Eye), डेरो आँखा तथा दृष्टि सम्बन्धी समस्याहरूको परीक्षण।
🧼 आँखा सफाइ तथा माइनर प्रोसिजर (Minor Procedures)
आँखामा परेको फोहोर/बाह्य वस्तु (Foreign Body) निकाल्ने, गुहाडी तथा साना घाउको उपचार।
🚨 आकस्मिक नेत्र सेवा (Eye Emergency)
आँखामा चोटपटक लागेमा, रसायनिक पदार्थ परेमा वा आकस्मिक रूपमा दृष्टि गुमेमा तत्काल प्राथमिक उपचार सेवा।
⏰ सेवा सञ्चालन समय (Service Hours)
🏥 ओ.पि.डी. नेत्र सेवा (Eye OPD)
गर्मी मौसम: बिहान ०९:०० देखि साँझ ०५:०० सम्म
जाडो मौसम: बिहान ०९:०० देखि साँझ ०४:०० सम्म
(आइतबार देखि शुक्रबार सम्म)
🚨 ट्रमा तथा आकस्मिक सेवा (Trauma Support)
दुर्घटना वा चोटपटकका कारण आँखामा गम्भीर असर परेमा आकस्मिक कक्ष (Emergency Dept.) बाट २४ सै घण्टा प्राथमिक उपचार उपलब्ध गराइन्छ।
💡 स्वस्थ आँखाका लागि डाक्टरको सुझाव (Eye Care Tips)
- मोबाईल, कम्प्युटर वा टिभी हेर्दा निरन्तर नहेरी हरेक २० मिनेटमा २० सेकेन्डका लागि २० फिट टाढा हेर्ने बानी बसाल्नुहोस् (20-20-20 Rule)।
- घाममा निस्कँदा पराबैजनी (UV) किरणबाट जोगिन गुणस्तरीय घामको चश्मा (Sun Glass) प्रयोग गर्नुहोस्।
- आँखालाई कहिल्यै पनि फोहोर हातले नमिल्नुहोस् र नियमित रूपमा सफा पानीले पखाल्नुहोस्।
- हरेक ४० वर्ष काटेका व्यक्तिहरू तथा मधुमेहका बिरामीहरूले वर्षमा कम्तीमा एक पटक आँखा जाँच गराउनुपर्छ।
- नेपाल सरकारको स्वास्थ्य बिमा कार्यक्रम अन्तर्गत तोकिएका नेत्र उपचार सेवाहरू उपलब्ध छन्।